အနာဂတ်ကွန်ပျူတာ

နောင်လာမည့် ကွန်ပျူတာများမှာ Multicore-Processor တွေသုံးမယ်အပြင် ပြင်ဆင်မွမ်းမံမှုနည်းပညာ Overhaul တွေနဲ့ အမြန်ဆုံးအလုပ်လုပ်စေမှာ ဖြစ်ပါတယ်။ နှစ် ၅၀ ကျော်ဖြတ်သန်းလာခဲ့ပြီးသည့်နောက်တွင် ကွန်ပျူတာများစွာဟာ နည်းပညာများ တခုပြီးတခု ဖြတ်သန်းလာခဲ့ပါပြီး။ University of Maryland Researcher ကရှာဖွေတွေ့ရှိခဲ့သည်မှာ Single-Processor ကနေ Processor များစွာကိုပြိုင်ပြီး အလုပ်လုပ်စေတဲ့နည်းပဲ ဖြစ်ပါတယ်။ ၎င်းအလုပ်လုပ်ပုံကြောင့် စနစ်တစ်ခု ရရှိစေမှာ ဖြစ်ပါတယ်။ အခြေခံ ကွန်ပျူတာများဟာ နည်းပညာရပ် အားဖြင့် သင်္ချာပညာရှင် ဂျွန်ဗွန်းနူမာန် ( Jonn Von Neumann ) ကတည်ဆောက်ခဲ့ခြင်းပါ။ သူ့ရဲနည်းပညာတွေမှာ Program နဲ့ Data တွေကို သယ်ဆောင်စေပြီး Memory နဲ့ CPU ကိုစားသုံးစေခဲ့ပါတယ်။ ၎င်းရဲ့ လုပ်ဆာင်ချက်တွေ ဟာလည်းတစ်ကြိမ်တစ်ခါပါပဲ။ ခုဒီနည်းပညာကတော့ ဒီလိုမဟုတ်ပါဘူး။  Single-Core Processor ကနေအခြား Core တွေကိုအလုပ်လုပ် စေသောနည်း ဖြစ်ပါတယ်။လာမည့်နောင်နှစ် တွေမှာ Tripe-Core Processor တွေသုံးလာတော့မှာပါ။ Ref: Pcworld

ပြန်ဆုံပါက

လမ်းတစ်ခုမှာတွေ့တယ်
လှမ်းလို့သာကြည့်ခဲ့
ကောက်သောလမ်းဖြစ်စေ
ဖြောက်သောလမ်းဖြစ်စေ
နောက်တစ်ကြိမ်ပြန်တွေ့ရင် ...
ရုတ်တရက်ပေါ့လေ
နှုတ်မဆက်လည်းနေပါစေ။      ။

Ginger ဂျင်း၏ အသုံးဝင်ပုံ

Google Image

ဂျင်းရဲ့ ဆေးဘက်ဝင်ပုံကို စာစောင်တစ်ခုမှာ ရေးထားတာ တွေ့လိုက်ရပါတယ်။ ထိုစာစောင်တွင် ရေးထားသည်မှာ မပြည့်စုံသေးပါ။ ကျတော် ငယ်ငယ်က ဆိုလျှင် ဂျင်းပြုတ်ရေ တစ်ပတ်တစ်ကြိမ်ခန့် သောက်ရ ပါတယ်။ ကိုယ်လက်နာကျင်လို့ အဖိုး ဖြစ်တဲ့သူက သောက်ခိုင်း လေ့ရှိတယ်။ ဂျင်းကိုပါးပါးလှီးပြီး သကြားနဲ့ ရော၍ ရေဆူအောင်ပြုတ်ပြီး အအေးခံကာ သောက်ပါက ကိုယ်လက်နာကျင် မှုတွေသက်သာ စေပါတယ်။ အကောင်းဆုံး ကတော့ ထန်လျှက်နဲ့ ရော၍ ပြုတ်သောက်ခြင်းပါပဲ။ အမျိုးသမီးတွက် ချည်းသက်သက် မဟုတ်ပါ။ အမျိုးသားများလည်း သောက်နိုင်သော ဆေးတစ်ခွက်ဖြစ်ပါတယ်။ 

Google Image

ဆာမိတို့ နိုင်ငံမှာဆိုလျှင် ဂျင်ဂျာတီး ဆိုပြီး ရောင်းကြပါတယ်။ ဂျင်းကို အစိမ်းစားခြင်းက ပြုတ်သောက်ခြင်းထက်ကောင်းပါတယ်။ အစိမ်းသုတ်စားလို ပါက ပါးပါးလှီးပြီး ဆားနဲ့နယ်ပါ။ ၁၀ မိနစ်ခန့်ထားပြီးနောက် ၎င်းဆားများအား ဆေးထုတ်၍ သုတ်စားနိုင်ပါတယ်။ အိုစိမ်ထားတဲ့ ဂျင်းကိုသုတ်စားပါက ခဲဆိပ့် များပါဝင်နိုင်ပါတယ်။ အကောင်းဆုံးအကြံပေးရင် မိမိကိုယ်တိုင် လတ်လတ်ဆတ် ဆတ်ဂျင်းကို ပါးပါးလှီး သုတ်စားတာအကောင်းဆုံးပါလို့ ပြောလိုက်ပါရစေ။

ဖတ်ခဲ့ဘူးသော ပုံပြင်လေးတစ်ပုဒ်

ကြားဖူးကြမှာပါ။ အသစ် အဆန်းတစ်ခုခုကို ရရှိပါက ဘယ်လို အသုံးအသုံးချမည်ကို မသိသူများအား မျောက်အုံးသီး ရတဲ့သူလို့ ပြောတတ် ကြပါတယ်။ ဖတ်ခဲ့ဘူးတဲ့ ဇာတ်လမ်းပုံပြင်က ဒီလိုပါ။
တစ်ခါတုန်းကပေါ့ ဘုန်းကြီးကျောင်းဝင်းထဲမှာ ကိုရင်ကြီးတစ်ပါးရယ်၊ ကျောင်းသား တစ်ယောက်ရယ်၊ မျောက်တစ်ကောင်ရယ်ဟာ လှေကားတစ်ထစ်စီမှာ ထိုင်နေကြသတဲ့။ ဘုန်းကြီးကျောင်းဝင်းဆိုတော့ ပိန္နဲပင်၊ စုံပဒတ်ပင်၊ အုန်းပင်စတဲ့သီးပင်တွေရှိမှာပေါ့။ အဲဒီ တစ်ချိန်မှာ အုန်းသီးတစ်လုံးဟာ ကြွေကျသတဲ့။ အောက်ဆုံး အဆင့်လှေခါးမှာ ထိုင်နေတဲ့ မျောက်က အရင်ဆုံးပြေးသွားပြီး ကြွေကျတဲ့ အုံးသီးကိုသွားကောက်သတဲ့၊ ပြီးဘာလုပ်ရမှန်း မသိလို့ ခေါင်းနဲ့တိုက်လိုက်၊ မြေကြီးပေါ်မှာချလိုက်၊ ကြိမ်ဖန်များစွာ လုပ်နေသတဲ့၊ နောက်တော့ ကျောင်းသားကမနေနိုင်လို့ ထိုမျောက်ဆီကနေ လုယူ၍ ဓါးမနှင့် အုန်းခွံများကိုခွာ၍ ကိုက်စားသတဲ့လေ။ အခွံခွာလိုက် ကိုက်စားလိုက် ပစ်လိုက် လုပ်နေလိုက်တာနောက်ဆုံး အခွံများပြောင်သွား၍ အတွင်းအုန်းသီးဆံကိုသွားတွေ့တော့ "ဟင်း အုန်းသီးဆိုတာ ဘာများလဲမှတ်တယ်... အသားက ဖန်တွတွနဲ့ အစေ့ကလည်း အကြီးကြီးပဲ" ဟုဆိုပြီးလွင့်ပစ်လိုက်သတဲ့။ အဲဒီနောက်တော့ ကိုရင်ကြီးက "သြော်ငမိုက်သားတွေ" ဟုရေရွတ်ရင်း ကျောင်းသားလွင့်ပစ်ထားသော အုန်းသီးအား သွားကောက်၍ ခွဲစားလိုက်လေသတဲ့လေ။ (အောက်ပဗီဒီယိုလေးကိုကြည့်ပေါ့...မျောက်အုံးသီးရတယ်ဆိုတာ ဒီမျောက်ကတော့ စားရကောင်းမှန်းတော့ သိပုံရပါတယ်။)

ကျီးကန်းတစ်ကောင်နှင့် စကားပြောခြင်း

အားလပ်ရက်တစ်နေ့ ကျတော်ဟာ အပြင်ထွက် လမ်းသလားရန် အတွက် Nursery ရှေ့ဘတ်စ်ကားမှတ်တိုင် တစ်ခုတွင် ဘတ်စ်ကားအလာကို စောင့်မျှောက်လျှက်ရှိနေသည်။ ထိုစဉ် နောက်ဘက်ဆီမှ "ချွတ်ချွတ်' ဆိုသော အသံတစ်ခုလာ၍ လှည့်ကြည့်လိုက်ရာ ကျီးကန်း တစ်ကောင် သည်မည်သူစည်းကမ်းမဲ့ လွှင့်ပစ် ထားသည် မသိသော စားကြွင်း စားကျန် ကြက်ရိုးအား ခြေဖြင့်နင်းကာ နှုတ်သီးဖြင့် ပေါက်ကာစားနေ လေသည်။ ကျတော်နှင့် ထိုကျီးကန်းမှာ ဆယ်ပေလောက်သာ ကွာပါသည်။ ကျတော်ကပဲစတင်၍ "အာ...အာ" ဟုနှုတ်ဆက်စကားဆိုလိုက်လေသည်။

ကျီးကန်းမှ အံ့အားသင့်စွာ ကျတော်အားလှည့်ကြည့်လျှက်
ကျီးကန်း။               ဟာခင်ဗျားက ကျုပ်တို့ဘာသာစကားနားလည်လား။
ကျတော်။               ငါလား....တရုတ်၊ မလေး၊ အင်္ဂလိပ်၊ အနဲငယ်စီနဲ့ ကျီးကန်း၊ ချိုး၊ ကြောင်၊ ခွေး၊ ကြက်၊ စတဲ့ မာဃဓ ဘာသာစကားလည်းနဲနဲရပါတယ်။ ဒါတွေကသင်ထားရတယ်ကွ။ လောကကြီးမှာ ဒါတွေလိုအပ်တယ်။ ဒါနဲ့....မောင်ရင်က တစ်ကောင်တည်းပါလား။

ကျီးကန်း။               ဟုတ်တယ်ခင်ဗျ....ကျုပ်တစ်ကောင်တည်းပါ။ ကျန်တဲ့ကောင်တွေက မြစ်ဆိပ်ဘက်မှာ ငါးသွားဖမ်းစားကြတယ်။  ...၀မ်းရေးမလွယ်ပါဘူး။ ကျီးလန့်စာ စားပါပဲမဟုတ်လား။ စင်ကာပူက ကျုပ်တို့ ကျီးတွေကို သေနပ်နဲ့ ပစ်သတ်ကြတယ်ဗျာ။ ကျုပ်တို့ဘာများလုပ်မိလို့လဲ။ ကျီးသားချင်းစာနာ ထောက်ထား မှုမရှိလိုက်တာဗျာ။

ကျတော်။               အင်းဗျာ....ခက်တာပဲ။ မောင်ရင်တို့က အပုပ်အစပ် စားတဲ့ကောင်တွေဆိုတော့ မကြိုက်ဘူး နေမှာပေါ့။ နောက်ပြီး မောင်ရင်တို့က "အား...အား" လို့အော်တာ လဘ်ပိတ်တယ်လို့လည်း ပြောသံကြားဖူးတယ်။ မောင်ရင်တို့ "အား...အား...အစား.... ပါး...ပါး"လို့ပြောင်းအော်ကြည့်ပါလား၊ အဲဒိဆို သူတို့လက်ခံမယ်ထင်တယ်။

ကျီးကန်း။                   လွယ်ပါဘူးဗျာ.....ကျုပ်တို့ကမွေးကတည်းက "အား...အား" လို့အော်လာတာ။ ခင်ဗျား တို့ကြတော့ ကျုပ်တို့အော်ရင် ဧည့်လာတယ်ဆို အယူရှိတယ်မဟုတ်လား။ ခင်ဗျားတို့နိုင်ငံမှာပဲ ပျော်တယ်ဗျား။ ထန်းပင်တွေလည်းပေါမှပေါ။ ကျုပ်တို့အကြိုက်လေ...ထန်းပင်က။ ထန်းသီးပေါ် တက်နင်း လိုက်ရင် ထန်းသီးကြွေသွားတာကို...ခင်ဗျာတို့က ထန်းသီးကြွေခိုက် ကျီးနင်းခိုက်လို့တောင် ဆိုကြတယ် မဟုတ်လား။ ကျုပ်တို့ကျီးတွေကို စကားထဲထည့်သုံးကြတယ်လေ၊ ကျုပ်တို့ဝမ်းသာတယ်။ ၀မ်းသာလို့အော် လိုက်အုံးမယ် "အား...အား"။

ကျတော်။                  တော်တော်လာတဲ့ကျီးပါလား....မောင်ရင်က ကျောင်းမနေဘူးလား။

ကျီးကန်း။                ကျုပ်ကတောမှာမွေးတာ၊ အမေက ကျုပ်ငယ်ငယ်ကတည်းဆုံးသွားတာ၊ ကျုပ်ကစာ မတတ်ဘူး၊ စကားပဲပြောတတ်တယ်။ ကျီးတက္ကသိုလ်လည်းမတက်ဘူးဗျ။ လမ်းဘေးက ကောင်တွေနဲ့ ပေါင်းပြီးကျုပ် လူဖြစ်လာတာ၊ ဒါကြောင့်ကျုပ် လူတွေအကြောင်းနဲ့ ကျီးတွေအကြောင်း ကောင်းကောင်း သိတာ။

ကျတော်။                မောင်ရင်တို့ ကျီးတွေက တစ်ကောင်နဲ့တစ်ကောင်ဘယ်လို ဆက်သွယ်လဲ။ ငါတို့ကတော့ အင်တာနက် စာမျက်နှာ တွေကနေ G-talk တို့ Facebook တို့ကနေဆက်သွယ်ကြတယ်ကွ။

ကျီးကန်း။                  ကျုပ်တို့မှာ လည်း ကျီး-Talk ရှိတယ်လေ။ တစ်ကောင်နဲ့တစ်ကောင် အား...အား လို့အော် လိုက်ရင် သူတို့သိပြီး။ ဟို ဥသြ ဆိုတဲ့ ကောင်တွေကလည်း အရောင်တူတယ်မဟုတ်လား။

ကျတော်။                အင်းသိပြီး.......Face to Face ပေါ့။
ကျီးကန်း။                ဟုတ်တယ်...ဟုတ်တယ်။

ကျီးကန်းမှ ကျတော်ပြောသော စကားအား သံယောင်ဖမ်းလိုက်ပြောလေသည်။

ကျီးကန်း။               ခင်ဗျားတို့ပြောပြောနေတဲ့ ကျီးကန်းတောင်းမှောက် ဆိုတာမှားနေတယ်။ အဲဒါလေး ပြန်ပြင်ကြပါလား။ ကျုပ်တို့ကျီးကန်းတွေက တောင်းတစ်လုံးလုံးကို တစ်ကောင်တည်း မမှောက်နိုင်ပါဘူး။
ကျတော်။                ဒါတော့ငါမသိဘူး။ ကျီးကန်းတောင်းမှောက် ဆိုတာ မျက်လုံးဂဏာ မငြိမ်ပဲ ဟိုကြည့် သည်ကြည့် လုပ်တာကိုဆိုလိုတာပါမောင်ရင်ရ။
ကျီးကန်း။                အော်...သိပါဘူးအာ....။

ထိုစဉ် ကျတော်စီးလိုသော ကားကြီးမှာ လှမ်းမြင်ရပြီဖြစ်၍....ထိုတောကျီးကန်းအား နှုတ်ဆက်ကာ ကားပေါ်သို့လှမ်းတက်၍ ထိုမှတ်တိုင်မှ ထွက်ခဲ့လေတော့သည်။