Subscribe Twitter

Tuesday, August 28, 2012

အကြောင်းကြောင်းကြောင့်

အကြောင်းကြောင်းကြောင့် အင်တာနက်မရှိတဲ့ အရပ်မှာ မွေးလို့အင်တာနက်ကို ကောင်းကောင်းမသုံးဖြစ်တော့ဘူး။ ဒါကြောင့်စာမရေးဖြစ်တော့ပါ။ လာဖတ်တဲ့သူငယ်ချင်းများအားလုံးကို ကျေးဇူးတင်ပါတယ်။ လမ်းမသိပါ နင် နဲ့ ငါ ဘယ်ကလာမှန်းမသိ ဘယ်ကိုသွားမှန်းမသိ ဘယ်ချိန် ကိစချောမယ်မသိ အဲလိုလူတွေ သူသူငါငါ အတ္တမပါပဲ မေတ္တာများစွာနဲ့ ခင်မင်ကျတာ လောကကြီးမှာ ပျော်စရာပါလို့ နှုတ်မဆက်ခင်လေး...ပြောထားခြင်တယ်။ ။

Saturday, November 12, 2011

ဟင်ချိုမှုန့်နှင့် ကျန်းမာရေး Monosodium_glutamate

 ဟင်းချိုမှုန့် Monosodium_glutamate နှင့်ကျန်းမာရေး..ဆိုတဲ့ခေါင်းစဉ်ရေးပေမယ့် ကျတော်ဆရာဝန် တစ်ယောက်မဟုတ်ပါ။ သို့သော် သိသလောက်တော့ရေးပြရမှာပါ။ အချိုမှုန့်(သို့) ဟင်းချိုမှုန့် ကိုလူတိုင်းနီးပါး နေ့စဉ်စားသုံးနေကြပါတယ်။ ကျတော့်ရဲ့ လေ့လာချက်အရ မြို့ရောတောပါ ၉၈% ခန့်နေ့စဉ် ၁ ကျပ်သားနှုန်း စားသုံးနေသည်မှာမလွဲပါ။ ၄င်းအချိုမှုန့် စားသုံးသော နိုင်ငံများကိုကြည့်လျှင်၊ မြန်မာနိုင်ငံသည်နေ့စဉ် တန်ချိန်ပေါင်းမြောက်များစွာ စားသုံးနေသောနိုင်ငံဖြစ်ပါသည်။ ထိုင်းမြန်မာ နယ်စပ်မှ ၀င်ရောက်လာသော အချိုမှုန့်များနှင့် တရုတ်မြန်မာနယ်စပ် မှဝင်ရောက်လာတဲ့ အချိုမှုန့် များပင်ဖြစ်တယ်။ ကျတော် အသက် (၄၅) ခန့်လူ-၁၀ ဦးအားမေးခဲ့ဘူးပါတယ်။ 'အချိုမှုန့်မစားလျှင်...နေနိုင်သလောဆိုတဲ့မေးခွန်း' ပါ။ ကိုးဦးခန့်မနေနိုင်ပါ ဟုဖြေခဲ့ကြပါတယ်။ ကျတော်တို့ အိမ်မှာ မစားသော်လည်း၊ ပြင်ပမှ မုန့်မျိုးစုံနှင့် အခြားပစ္စည်းများမှ ဝ၀င်ရောက်နိုင်ပါတယ်။ မိမိသည် မစားသုံးပဲ မနေနိုင်ခဲ့သော် နေ့စဉ်လျော့၍ စားသုံးပါဟု တိုက်တွန်းချင်ပါတယ်။ ဓမ္မကထိက တရားပြဆရာတော် ဦးဇ၀န (မေတ္တာရှင်-ရွှေပြည်သာမှ)လည်းဟောခဲ့ဖူးပါတယ်။ 'သတ်မည့်နွား များအားမသတ်မီ အချိုမှုန့် တပြည်ကျွေးခြင်းဖြင့် ထိုနွားသည် သတ်ပြီးသည့်အချိန်တွင် အရိုးနှင့် အသားတွဲမနေပဲ ကွာကျသွားသည်ဟု ဆိုပါသည်'။ မစားပဲနေနိုင်မယ်ဆိုလျှင် အကောင်းဆုံးဖြစ်ပါတယ်။ အစားထိုး ဟင်းခတ်မှုန့် ပုဇွန်ခြောက်မှုန့်များ ပြုလုပ်၍ စားသုံးရင်တော့ အကောင်းဆုံးဖြစ်မယ် ထင်ပါတယ်။ ခေါင်းအုံခြင်း၊ တာရှည်စွာခေါင်းကိုက်ခြင်း၊ အဆစ်အမြစ်များတာရှည်စွာကိုက်ခဲခြင်း၊ ထမင်းစားပြီးပါက အော့အန်ချင်သလိုဖြစ်ခြင်း၊ ရေငတ်လွယ်ခြင်း၊ ခံတွင်းပျက်ခြင်း၊ သတိမေ့တတ်ခြင်း စသောလက္ခဏာများသည်လည်း အချို့မှုန့်စားသုံးခြင်းကြောင်ပင် ဖြစ်ပါတယ်။ ရာခိုင်းနှုန်းအားဖြင့် မြန်မာနိုင်ငံသည်ကမ္ဘာပေါ်တွင် အများဆုံးစားသုံးသောနိုင်ငြံ ဖစ်ပါတယ်။ ဂျပန်နိုင်ငံကနေ 1909 as AJI-NO-MOTO® ကစထုတ်ခဲ့တဲ့ အချိုမှုန့်ကိုယနေ့ မြန်မာများ စွဲလန်းစွာ ဘယ်လောက်စားသုံးနေသည်ကို မိတ်ဆွေမယုံလျှင် အိမ်နားနီးချင်းတွေကို လေ့လာကြည့်ပါက သိရှိနိုင်ပါကြောင်း...ရေးသားအပ်ပါတယ်။ 
အောက်ကဆိုဒ်မှာလည်းဝင်ကြည်နိုင်ပါတယ်။

http://upload.wikimedia.org/wikipedia/commons/thumb/8/89/Monosodium_glutamate_crystals.jpg/800px-Monosodium_glutamate_crystals.jpg
 

Sunday, November 6, 2011

ကျတော်နှင့် တံခါးများ




(၁)

လမ်းတွင်တွင်လျှောက်
ရောက်ခဲ့ရပ်တွေမှာ
ဖွင့်ခဲ့တယ်တံခါးတွေ
ဓနိပျစ်တံခါးတွေ
သက်ကယ်ပျစ်တံခါးတွေ
ဝါးတံခါးတွေ
သစ်သားတံခါးတွေ
သံတံခါးတွေ
စတီးတံခါးတွေရယ်

(၂)


မဖွင့်ရသေး
ကျန်နေတဲ့တံခါး

Wednesday, May 4, 2011

ဆက်ရက်(ဇယက်)များနှင့် စကားပြောခြင်း

တစ်နေ့ ကျတော်ဟာ ကွင်းပြင်တစ်ခုဘေးတွင် ထိုင်လျှက် ဟိုအကြောင်း၊ ဒီအကြောင်းများ တွေးနေစဉ်အတွင်း ရုတ်တရက်ကျတော်၏ အနားသို့ ဆက်ရက် တစ်ကောင် ရောက်လာခဲ့၏။

ကျတော်။         ကျလိ...ကျလိ။
ဆက်ရက်။     ဟာခင်ဗျားကလည်း........ကျတော်ဘာသာ စကားပြောတတ်သားပဲ။
ကျတော်။         ဒါလွယ်လွယ်လေးပါ။ မောင်ရင်တို့ စကားက E လောက် ဝေါဟာရမကြွယ်ပါဘူး။
ဆက်ရက်။     "တီး" ဆိုတာဘာလဲ။
ကျတော်။         "တီး" မဟုတ်ပါဘူး။ "အီး"ပါ။
ဆက်ရက်။      ကျတော်ကငှက်ဆိုတော့ လျှာသေးတယ်၊ ပြီးတော့ဆိုလည်းတိုတယ်။ အဲတော့ စကားဘယ်ပီမလဲ...ကျလိကျလိ။
ကျတော်။          မောင်ရင်တို့ ဆက်ရက်တွေက ဒီနားစား၊ ဒီနားအီးပါနဲ့ စည်းကမ်းမရှိဘူး။ ပြီးတော့ကိုယ်အီးပုံ ကိုယ်ပြန်နင်း။
ဆက်ရက်။       ဒါက ကမ်းထရီးစတိုင်၊ ဘာမှပူပင်စရာမလိုဘူး၊ ကျတော်တို့ ငှက်တွေက ဘောင်းဘီတို့ အင်္ကျီတို့ ၀တ်စရာမလိုဘူးလေ။ ရှက်စရာလည်းမရှိဘူး။ ဒါဟာသဘာဝပဲ။
ထိုသို့ ကျတော်နှင့် ထိုဆက်ယက်တို့ စကားပြောနေစဉ် နောက်ထက် နှစ်ကောင်ထပ်ရောက် ဘာပြန်သည်။ ထိုနှစ်ကောင်ထဲမှ တစ်ကောင်သည် ဦးခေါင်းထိပ်ပိုင်းတွင် အမွှေးအနဲငယ်သာ ရှိသည်။ ကျန်တစ်ကောင်မှာ အရောင်မှာအနဲငယ်မီးခိုးရောင်သမ်း၍ ဂျိုးနှင့် ခပ်ဆင်ဆင် တူလေသည်။
ကျတော်။             ဟ...ဟိုကောင်ကဘာဖြစ်တာလဲ၊ ခေါင်းပြောင်နေတယ်။
ဆက်ရက်။         ဒီကောင်လား.......ငှက် ဘယ်ကဆင်းသက်လာတာလဲ အမြဲစဉ်းစားနေတာ။ ခင်ဗျားတို့ လူတွေပြောပြောနေတဲ့ လူဘယ်ကဆင်းသက် လာသလဲဆိုတာလို၊ ခုသူလည်း ငှက်ဘယ်ကဆင်းသက်လာသလဲ Evolution of bird ကိုစဉ်းစားနေတာနဲ့ ခေါင်းပြောင် နေတာပါ။
ကျတော်။           မင်းတို့မှာရည်းစား တို့၊ မိန်းမတို့ မရှိဘူးလား။
ဆက်ရက်(ဂျိုးနှင့်တူသောကောင်)။           ရှိတာပေါ့၊ ဒါပေမယ့်ဗျာ.....ဆစ်လင်တစ်မယား မဟုတ်ဘူးဗျ။ ဒီနေ့ ရှာမကျွေးနိုင်ရင်နောက်နေ့ သူများနောက်ပါသွားပြီး...ကျလိကျလိ။ သူချင်းတောင် ရှိတယ်။ ဟိုလူဆိုထားတာလေ။ ခင်ဗျားသိမှာပေါ့။ "နောက်ကောင်... ရင်မှာ...ပျော်နိုင်မှာပါ...ငါ့နားမလာနဲ့တော့...ခုလိုပြောတာမချစ်လို့မဟုတ်ဘူးနော်..." အဲဒီသီချင်းလေ။
ကျတော်။        မင်းကဒါလည်းရတာပဲလား။
ဆက်ရက်(ဂျိုးနှင့်တူသောကောင်)။        လူတွေဆိုဆိုတာကြားဖူးတာပဲ...ကျလိလိ..ကျစ်။
ကျတော်။       မင်းကဂျိုးနဲ့တူပါလား။
ဆက်ရက်(ဂျိုးနှင့်တူသောကောင်)။       အင်းဟုတ်တယ်...ဒါကြောင့်..ကျတော့်လို ကောင်ကြောင့် ငှက်မသိ ဆက်ရက်ဂျိုးထင်၊ အချက်မသိသမက်သူခိုးထင် ဆိုတာပေါ်လာ တာပေါ့...ကျလိကျလိ။
ထိုနေ့တွင် ကျတော်ဟာ ထိုငှက်များနှင့် အချိန်တော်တော်လေး ကြာအောင် စကားပြော နေခဲ့သည်။ ထိုငှက်များ ပြန်သွားလေမှ ထိုင်တဲ့နေရာမှထ၍ ၀မ်းရေးအတွက် ပြင်ဆင်ရလေတော့သည်။

Sunday, April 24, 2011