Subscribe Twitter

Saturday, January 22, 2011

မြင်ခဲ့ဘူးသောသရဲ တစ္ဆေ နှင့် ခြောက်ခံရသော သရဲ တစ္ဆေ ၁

http://www.sandrocastelli.com/works/blueghost.jpg သရဲ၊ တစ္ဆေအကြောင်း ပြောပါဆိုလျှင် ကျတော်ငယ်စဉ် လေးတန်းကျောင်းသားဘ၀က စရပါမယ်။ လေးတန်းကျောင်းသားဘ၀က သူရဲ တစ်ခါမြင် ဘူးပါသည်။ ထိုသရဲ (ငယ်ငယ်ကအခေါ်) သည်ကျတော့်အား ခြောက်သည်မဟုတ်၊ သူငယ်ချင်းမတစ်ယောက် အားဝင်ကပ်ခြင်းဖြစ်သည်။ တစ်ချို့သည် အယုံအကြည်မရှိပါ။ အပစ်မဟုတ်ပါ။ ကိုယ်တိုင်သော်လည်း ကောင်းတစ်ဦးတစ်ယောက်သော်၎င်း ပြောဆို၍ သရဲတစ္ဆေ ရှိကြောင်းကိုတော့ လူတိုင်းသိရှိမည်ဖြစ်ပါသည်။ လေးတန်းကျောင်းသားဘ၀က ညအိပ်ကျောင်း တက်ရပါသည်။ စစ်မေးပွဲကြီး ဖြေကာနီးအချိန်ပေါ့ဗျာ။ တစ်လခန့် ညအိပ် ကျောင်းတက်ရပါသည်။ တောကျောင်းဖြစ်လို့ ကျူရှင် တွေဘာတွေမရှိပါ။ ကျတော်တို့၏ ကျောင်းနောက်တွင် သနပ်ဖက်ပင်အိုကြီးတစ်ပင်ရှိပါသည။ လူကြီးတွေပြော ဖူးပါသည်။ ထိုသနပ်ဖက်ပင်အောက် သေးမပေါက်ဖို့။ သိုသော်ကျတော်တို့မှာ နားမထောင်ရကား ထိုသနပ်ဖက်ပင်အား အမြဲသေးပန်းလေ့ရှိသည်။ တစ်ညမှာ ကောင်မလေးတစ်ယောက်အား သူရဲဝင်ကပ်ပါတော့သည်။ ထူးဆန်းပါသည်။ သေးနဲ့ကော့ပန်း နေတာက ကျတော်တို့ မျောက်လောင်း တွေပါ။(လူဟာမျောက်ကဆင်း သက်လာ တာမဟုတ်လား...နောင်တစ်ကြိမ် မျေက်ပြန်ဖြစ်နိုင် ပါသည်) ကပ်တော့ ကောင်မလေးအား ကပ်ပါတော့သည်။ ထိုကောင်မလေးသည် အပေါ့အပါး သွားပြီးသည်နှင့် ကျောင်းပေါ် ပြန်မတက်ပဲ -ကျတော့် အားလုံခြည် လှန်ပြပါတော့သည်။ ကျတော်လန့်ဖြန့်သွား၏။ အကြောင်းမှာကား ထိုကောင်မလေးသည် ကျတော်နှင့် အမျိုးအနဲငယ်မျှ တော်စပ်သောကြောင့်ပါ။ ကျတော် ကျောင်းပေါ်သို့ အမြန်ပြန်တက်ကာ ထိုအကြောင်းဆရာအားပြောပြရာ ဆရာမှ 'အဲဒါဆိုငါသွားခေါ်မယ်....မင်းတို့တစ်ယောက်မှ ကျောင်းအောက် ပြန်မဆင်းနဲ့' လိုဆရာပြောတော့မှ ကျတော့်စိတ်ထဲ သရဲကိုသွား သတိရ၍ ကြက်သီးမွှေးညင်းများပင် ထသွားရ၏။ အဲနောက်ဆရာ့ အော်သံသဲ့သဲ့ကြားရ၏။ 'မင်းဘာလိုချင်လို့လဲ.....ကလေးတွေကိုနှောက်ယှက် တာလဲ...ခုထွက်သွား...နောက်ဘယ်တော့မှ ဒီလိုမလုပ်နဲ့....' 'ကြောက်ပါပြီး...နောက်မလာတော့ဘူး' စတဲ့သူရဲ နှင့်ဆရာအပြန်အလှန် ပြောဆိုသံများသာကြားရ၏။ စကားပြောဆိုသံမှာ ထိုကောင်မလေးမှ ပြော ချင်းဖြစ်ပါသည်။ သို့သော် ယောက်ျားကြီးတစ်ယောက်၏ အသံကဲသို့ပင်ကြီးမားပါသည်။ ထိုအကြောင်း နံနက် လင်းမှ ဆရာရှင်းပြပါသည်။ ကျတော်တို့ သနပ်ပင်ရင်း သေးသွားပေါက်၍ သရဲကြီး မနေနိုင်၍ ၀င်ကပ် ပြောခြင်းဖြစ်ပါသည်တဲ့။ (နောင်မှ သိရသည်မှာ ကျတော်၏ ဆရာမှာ ပဌာန်း ၂၄ ပစ္စည်းအား အကျယ်အမြဲ ရွတ်ဖတ်သူဖြစ်ကြောင်းနှင့်၊ မွေးဖွားစဉ်က ခြေထောက်မှ မွေးတဲ့သူဖြစ်ကြောင်း)။ ထိုကျောင်းနောက်တွင် စုန်း သရဲတစ္ဆေ စတဲ့မကောင်းဆိုးဝါးများရှိကြောင်း နောင်မှ သိရ၏။ ထိုစဉ်မှစ၍ သူတစ္ဆေ ရှိကြောင်းကို ယုံကြည် ခဲ့ရပါသည်။

0 comments:

Post a Comment